|
|
|
Karlinn í tunglinu
8. júní 2009 | freyjulundur
Laugardaginn 13. júní verður menningarhátíðin Karlinn í tunglinu á Seyðisfirði.
Þar gefst leik- og grunnskólabörnum í fylgd forledra, færi á að vinna með listamönnum. Pétur Kristjánsson á Seyðisfirði er sjálfur karlinn í tunglinu og hefur hann fengið listafólk til liðs við sig með fjölbreyttar listasmiðjur.
Aðalheiður S. Eysteinsdóttir hefur verið fastur gestur á þessum skemmtilega menningardegi barna síðastliðin 9 ár og mun ekki láta sig vanta í þetta skiptið.
Hátíðin fer fram í og við fjölnotahúsið Herðubreið á Seyðisfirði og hefst dagskráin kl. 10.00. Allir velkomnir.
|
| freyjulundur ritaði, 8. júní 2009
klukkan 14:24
|
|
................................................................ |
|
|
Guttormur smíðaður
7. júní 2009 | Freyjulundur
Útilistaverkið Guttormur var afhjúpað í Fjölskyldu- og húsdýragarðinum við hátíðlega athöfn í gær. Verkið er fyrsta samfélagslistaverkið í borginni og var unnið af íbúum í Laugardalshverfi, en Reykjavíkurborg styrkti verkefnið með framlagi úr forvarna- og framfarasjóði Reykjavíkurborgar.
Stærstan þátt í listaverkinu eiga 23 nemendur úr hverfisskólunum þremur Voga-, Langholts- og Laugalækjarskóla. Krakkarnir nutu leiðsagnar myndlistarkvennanna Ólafar Nordal og Aðalheiðar S. Eysteinsdóttur við útfærsluna á Guttormi og Kristín Þorleifsdóttir formaður Íbúasamtaka Laugardals stýrði framkvæmdinni. Unnu krakkarnir í tvær vikur við að þróa og skapa hinn nýja Guttorm sem framvegis verður tákn Laugardalshverfis.
Hanna Birna Kristjánsdóttir, borgarstjóri, sagði verkefnið ekki aðeins skila sér í skemmtilegu listaverki heldur einnig í sterkari tengslum milli stofnana innan hverfisins, barna í hverfisskólunum – svo ekki sé minnst á íbúana almennt.
Guttormur heimsótti í gær alla skólana í hverfinu. Hann verður svo á flakki um Laugardalshverfið í allt sumar.
Frétt fengin af mbl.is
|
| Freyjulundur ritaði, 7. júní 2009
klukkan 03:56
|
|
................................................................ |
|
|
Verksmiðjan á Hjalteyri.
28. maí 2009 | freyjulundur
HERTAR SULTARÓLAR
Verksmiðjan á Hjalteyri loftar út eftir veturinn með sýningunni “Hertar sultarólar” og vill með henni vekja athygli á að eftirtalin kunna að hafa öðlast nýtt líf, stökkbreytt og endurhönnuð til framtíðar:
gálgi - ónýt heimilistæki – listamaður – sígarettur – kjóll – gildi – straujárn - ferskur fiskur – frístundafólk – markaður – blússa - fjársjóður - úrelt dagatöl – langanir - klippimyndir – safnarar – matarumbúðir – dagblöð – pils – hönnuður – myndverk – vél - ruslakista - hráefni og konsept.
Sýningarstjóri “Hertra sultaróla” er Aðalheiður S. Eysteinsdótti og hefur hún fengið 15 listamenn til liðs við sig. Þau eru:
Pétur Kristjánsson
Helgi Þórsson
Georg Hollanders
Henriette van Egten
Anna Richards
Jónborg Sigurðardóttir
Haraldur Ingi Haraldsson
Safn Hafdísar Ólafsson
Kristinn Rúnar Gunnarsson
Erika Lind,
Íris Ólöf Sigurjónsdóttir
Laufey Pálsdóttir
Arnfinna Björnsdóttir
Safnbílar Hans Péturs Kristjánssonar
Lene Zachariassen
7. og 8. bekkur Þelamerkurskóla undir handleiðslu Aðalheiðar S. Eysteinsdóttur
Sýningaropnun er 30. maí kl.15.00. Sýningin stendur til 21. júní og er eingöngu opin um helgar frá kl. 14.00 til 17.00.
Sýningargestir eru hvattir til að leggja til hliðar ráðandi verðmætamat og njóta líðandi stundar.
Rúta fer frá Torfunesbryggju á opnunina kl:14:45 og fer til baka um 17:00.
Miðaverð er 500 kr.
Aðeins fer ein rúta svo við bendum fólki á að panta sér sæti hjá Þórarni Blöndal "thorarinnb@simnet.is
eða hjá Hlyni Hallsyni "hlynur@gmx.net"
|
| freyjulundur ritaði, 28. maí 2009
klukkan 18:54
|
|
................................................................ |
|
|
Laugavegurinn
22. maí 2009 | Freyjulundur
Vegna samningsörðuleika verður verk Aðalheiða ( maður, hundur, kind) staðsett í búðarglugga að laugarvegi 86 fyrst um sinn en ekki nr. 25 eins og upphaflega var ætlað. Sýningin opnar á morgun Laugardag 23. maí.
|
| Freyjulundur ritaði, 22. maí 2009
klukkan 22:26
|
|
................................................................ |
|
|
Vorsýning Point dansstudio
16. maí 2009 | freyjulundur
Brák hefur nú lokið öðru árinu sínu við dansæfingar hjá Point dansstudio. Árangur vetrarins verður sýndur í Samkomuhúsinu á Akureyri sunnudaginn 17. maí kl. 13.00, 14.30, og 16.00.
Miðapantanir á midi.is og hjá LA í síma 4600-200 milli 13.00 og 17.00.
|
| freyjulundur ritaði, 16. maí 2009
klukkan 18:05
|
|
................................................................ |
|
|
Aðalheiður og Jón sýna í Reykjavík
14. maí 2009 | Freyjulundur
LAUGA VEGURINN 2009
Gengið á vit sögunnar
Fólk á förnum vegi, verk eftir Jón Laxdal í búðarglugga verslunarinnar Elm að Laugavegi 1.
Maður, hundur, kind, verk Aðalheiðar S. Eysteinsdóttur í búðarglugga að Laugavegi 25.
Laugardaginn 23. maí næstkomandi stendur START ART listamannahús, Laugavegi 12a, fyrir göngu/gjörningi sem ber heitið LAUGA VEGURINN 2009 - gengið á vit sögunnar. Gangan er farin í minningu þvottakvenna sem gengu inn í Laugardal og Laugavegurinn var lagður gagngert fyrir.
Gangan og uppákoman í heild sinni er á dagskrá Listahátíðar í Reykjavík. Þetta er um það bil 30-40 mínútna gönguferð og veitist létt öllum frá 8 – 80 ára. Gangan hefst við útitaflið á Lækjartorgi kl. 13 og endar inn við gömlu Þvottalaugarnar þar sem þvottagjörningurinn heldur áfram með kaffiívafi og trommuslætti til ca 15:00. Göngufólk tekur með sér (eða fær við útitaflið) flík eða þvott sem það ber á táknrænan hátt í einum samfelldum straumi upp Laugaveginn.
Samhliða göngunni munu 37 myndlistarmenn varða leið hennar með verkum sínum og leiklistarnemar gleðja augu og eyru. Vaskar konur spila á harmónikkur og Páll á Húsafelli á steina og ýmislegt fleira verður á seyði þennan mikla þvottadag. Auk þess munu kórar syngja og lúðrasveitir hljóma og skúringarkona heimsins tekur til hendinni. Í Laugardal flytur Nýlókórinn gjörning ásamt Weird Girls og þvottaglöðum Reykvíkingum. Þar mun hin sérstæða hljómsveit Parabólur berja bumbur og þvottabretti verða virkjuð sem hljóðfæri. Vonandi mæta sem flestir til að heiðra minningu þvottakvennanna sem urðu til þess að Laugavegurinn varð til, því mikilvægt er að þessari vitneskju um uppruna hans sé haldið lifandi í menningarvitund borgarbúa, ungra sem aldinna.
Laugardaginn 23. maí kl. 17 opnar svo formlega sýning í sýningarsölum START ART og eru allir velkomnir.
Ef það eru einhverjar frekari spurningar, vinsamlegast hringið þá í Hörpu í síma 8619143 eða sendið póst á harpo@islandia.is
Að verkefninu standa 6 myndlistarmenn sem saman reka listamannahúsið START ART við Laugaveg 12b, 101 Reykjavík
sími: 5512306 – netfang: startart@startart.is www.startart.is
Þátttakendur:
Kristinn E. Hrafnsson; Halldór Ásgeirsson; Anna Eyjólfsdóttir; Ólöf Nordal; Ásdís Elva Pétursdóttir; Daníel Magnússon; Anna Líndal; Sara Riel; Eygló Harðardóttir; Þórdís Jóhannsdóttir; Magdalena Kjartansdóttir; Ragnhildur Stefánsdóttir; Ingunn Fjóla Ingþórsdóttir; Anna Hallin; Rósa Sigrún Jónsdóttir; Birta Guðjónsdóttir Guðjónsdóttir; Jón Laxdal Halldórsson; Níels Hafstein; Bjarki Bragason; Sari Maarit Cedergren; Magnea Ásmundsdóttir; Ása Ólafsdóttir; Aðalheiður S. Eysteinsdóttir; Kristín Reynisdóttir; Anna Richardsdóttir; Þuríður Sigurðardóttir; Harpa Björnsdóttir; Rúrí; Hekla Dögg; Þórdís Alda Sigurðardóttir; Árni Þór Árnason; Olga Bergmann; Þórunn Sveinsdóttir; Ásta Ólafsdóttir; Magnús Pálsson; Hulda Vilhjálmsdóttir
|
| Freyjulundur ritaði, 14. maí 2009
klukkan 23:54
|
|
................................................................ |
|
|
| |
