Arnar til London í haust
miðvikudagur, 7. maí 2008 | Freyjulundur
Arnar komst inn í listaháskólann Camberwell college of Arts í London og hefst námið í september á þessu ári. Þar ætlar hann að leggja stund á ljósmyndun. Arnar hefur ekki lokið neinu prófi í listum en hefur þó farið á nokkur námskeið og einnig lært mikið af fjölskyldunni. Námið í London er þrjú ár og fær Arnar BA próf í bakpokann fyrir það.
Freyjulundur ritaði, miðvikudagur, 7. maí 2008
klukkan 20:51
Sýning í Mohawks
mánudagur, 21. apríl 2008 | Arnar Ómarsson Ég opna ljósmyndasýningu í brettabúðinni Mohawks á Laugarvegi fimmtudaginn 24. apríl kl. 20:00. Á sýningunni verða nokkrar stórar hjólabrettamyndir sem ég sýndi í JV gallerý á Akureyri fyrir um ári síðan
Arnar Ómarsson ritaði, mánudagur, 21. apríl 2008
klukkan 20:08
Tvær sýningar frá Freyjulundi
föstudagur, 18. apríl 2008 | Arnar Ómarsson
Jón er að opna sýningu í JV gallery, í gilinu á Akureyri laugardaginn 19. apríl klukkan 14:00. Hann sýnir þar verk sem hann hefur unnið að undanfarið.
Aðalheiður er einnig að opna sama dag klukkan 14:00 í Safnasafninu á Svalbarðsströnd. Þar sýnir hún bæði ný og eldri verk sem öll eru í hvítu.
Arnar Ómarsson ritaði, föstudagur, 18. apríl 2008
klukkan 09:20
Freyjulundur á netið
föstudagur, 18. apríl 2008 | Arnar Ómarsson
Vefsetur Freyjulundar er komið í notkun eftir langan aðdraganda. Síðan er hönnuð af Arnari Ómarssyni en Örlygur Hnefill Örlygsson sá um uppsetningu og forritun. Hér gefst einlægum aðdáendum Freyjulundarfjölskyldunnar tækifæri á að fylgjast með nýjum verkum og með fréttum um framgang listalífsins í Freyjulundi.
Arnar Ómarsson ritaði, föstudagur, 18. apríl 2008
klukkan 00:59
